ဝေးရာမှ ဝေးရာသို့ ဝေးကွာနေဆဲ

လူသည် နိုင်ငံရေးသတ္တဝါ ဖြစ်သည်ဟုဆိုကြသည်။ နိုင်ငံရေးသည်။ လူသားများအပေါ်မည်မျှလွှမ်းမိုးချုပ် ကိုင်ခဲ့လေသနည်းဆိုသည်ကို သက်သေပြရန် ၁၉၈၈ လူထုအုံကြွမှုကြီးနှင့်အတူ မူလရည်ရွယ်ချက်ဘဝလမ်းကြောင်း တစ်ဆစ်ချိုးပြောင်းသွာ ကြသူများထဲမှ အစိုးရအစီအစဉ်ဖြင့် ဂျပန်နိုင်ငံသို့ပညာတော်သင်သွားရောက်ခဲ့သူ တစ်ဦးဖြစ်သူဦးကျော်တင့်၏ ပြန်ပြောင်းအောက်မေ့ဘဝတစ်ကွေ့ ဒိုင်ယာရီစာမျက်နှာများကို ကမ္ဘာတစ်လွှားက မြန်မာများအသံအဖြစ်ဖော်ပြအပ်ပါသည်။
ဦးကျော်တင့်၏
ကိုယ်တိုင်ရေးစာမျက်နှာများ
ကျွန်တော့်ကို ၁၉၈၅ ခုနှစ် က ဒေါက်တာဘွဲ့ယူရန်အတွက်ရန်ကုန်တက္ကသိုလ် ရူပဗေဒဌာနမှဂျပန်နိုင်ငံနာဂိုယာတက္ကသိုလ်ကို ပညာတော်သင်အဖြစ်ပို့လွှတ်ခဲ့ပါတယ်။ အဲဒီအချိန်မှာပဲ မြန်မာနိုင်ငံမှာ ငွေစက္ကူဖျက်သိမ်း၊ ဆန္ဒပြကျောင်းသားတွေကျဆုံး၊ ပါတီဥက္ကဋ္ဌကြီးနုတ်ထွက်၊ နိုင်ငံရေးအပြောင်းအလဲတွေဖြစ်နေတဲ့အချိန် ကျွန်တော်သတိထားမိလိုက်တာတစ်ခုကတော့ မြန်မာပြည်မှာဖြစ်နေတဲ့ အရေးအခင်းတွေအကြောင်းကို နိုင်ငံခြားကလူတွေ(အထူးသဖြင့် သတင်းမီဒီယာတွေ) သေသေချာချာမသိသေးဘူးဆိုတာပါပဲ။ အဲဒီမှာ မြန်မာပြည်သူတွေကိုတတ်နိုင်သလောက်ကူညီရင်း ပြင်ပကမ္ဘာကလူတွေကို မြန်မာပြည်ရဲ့လူထုအုံကြွမှုတွေအကြောင်း အစွမ်းကုန်ရှင်းပြမယ်လို့ဆုံးဖြတ်လိုက်ပါတယ်ဟု ၁၉၈၅ခုနှစ် နောက်ပိုင်းတွင် ပြည်ပသို့ထွက်ခဲ့ပြီး ရှစ်လေးလုံးကာလ၏ ပြည်ပအတွေ့အကြုံများကို ပြောသည်။
ထို့အပြင် ၁၉၈၈ ခုနှစ်ကာလ အတွင်းပြည်ပ၌နေ၍ မြန်မာနိုင်ငံ အခြေအနေများကို နိုင်ငံတကာက သိရှိစေရန် စာတမ်းပြုစုခဲ့ပုံနှင့်ပတ် သက်၍ ၁၉၈၈နှစ်ဦးပိုင်းမှာ ပထမဆုံးခြေလှမ်းအဖြစ် နိုင်ငံတကာသတင်းစာဆောင်းပါးတွေကို မြန်မာပြည်တွင်းကိုပို့တဲ့အလုပ်စလုပ်ဖြစ် ပါတယ်။ မဆလခေတ်တစ်လျှောက် လုံးမှာအစိုးရကိုဝေဖန်တဲ့ သတင်းမျိုးတွေကို တင်းသွင်းခွင့်မရှိလို့ ပညာတတ်တွေကြားမှာတောင် ကော်ပီပွားပြီးခိုးဝှက်ဖတ်ခဲ့ကြရတာပါ။ မြန်မာပြည်ရဲ့လူထုအြွုံကမှုအကြောင်းကို သုံးသပ်တဲ့ဆောင်းပါးတွေကို မိတ္တူကူးပြီးတွေ့ကရာလိပ်စာရေးလို့ မြန်မာပြည်ကိုပို့ခဲ့တယ်။ မြန်မာပြည်ထဲရောက်သွားရင်းတော့ တစ်နည်းနည်းနဲ့ပျံ့နှံ့ကောင်းပါရဲ့လို့ မရဲတစ် ရဲမျှော်လင့်ချက်နဲ့ပါ။ နောက်တစ်ဆင့်အနေနဲ့ မြန်မာပြည်ကအဖြစ်ပျက် တွေကို အံသြနေကြတဲ့ နိုင်ငံတကာခေါင်းဆောင်တွေ၊ မီဒီယာတွေ နားလည်သွားအောင်ကိုယ်တတ်နိုင်တဲ့ကလောင်ကိုပဲအားကိုးပြီး မြန်မာပြည်ရဲ့နိုင်ငံရေးအခြေအနေ၊ မဆလ အစိုးရရဲ့သဘောသဘာဝတွေကို ကိုယ်တိုင်ကြုံတွေ့ခဲ့ရတဲ့ ကျောင်းသားဘဝအတွေ့အကြုံတွေနဲ့ စပ်ဟပ်ပြီး လက်ရှိလူထုအြွုံကမှုကြီး ဖြစ်ပေါ်လာရတဲ့အကြောင်းရင်းကို စာတမ်းတစ်စောင်ပြုစုခဲ့ပါတယ်။ ပြီးတော့ အဲဒီစာတမ်းရှည်ကို ကမ္ဘာ့ခေါင်းဆောင်များဆီလိပ်မူပြီး သြဂုတ်လ ၁၉ရက်နေ့စွဲနဲ့အမြန်အရောက်ပို့ခဲ့ပါတယ်။ တော်တော်များများကလည်း လက်ခံရရှိကြောင်း၊ ကျေးဇူးတင်ကြောင်း စိုးရိမ်စွာနဲ့စောင့်ကြည့်နေကြောင်းတကူးတကအကြောင်းပြန်လာပါ တယ်။ စာတမ်းက သိပ်ရှည်လွန်းတော့အနှစ်ချုပ်ပြီး သတင်းစာတွေရဲ့ပေးစာကဏ္ဍမှာဖော်ပြနိုင်ခဲ့ရင် မြန်မာအရေးအတွက်ပိုမိုအထောက်အကူပြုလိမ့်မယ်လို့ယူဆမိပါတယ်။ အနှစ်ချုပ်လိုက်တဲ့စာကို ဂျပန်၊ အင်္ဂလန်၊ အမေရိကန်နိုင်ငံတွေမှာရှိတဲ့သတင်းစာတိုက်တွေဆီပို့ပြီးတော့ ကျွန်တော့်နာမည်အရင်းကိုမဖော်ပြဖို့လည်း အထူးမေတ္တာရပ်ခံခဲ့ပါတယ်။ မြန်မာပြည်မှာလူထုလှုပ်ရှားမှုအရှိန်မြင့်တက်နေတာမို့ကျွန်တော်တို့လဲဂျပန်နိုင်ငံမှာ မြန်မာတွေစုရုံးကြပြီးမဆလပါတီဝင်အဖြစ်ကနေနုတ်ထွက်ကြောင်းလက်မှတ်ရေးထိုးပွဲတစ်ခုပြုလုပ်ခဲ့တယ် ဟု ပြောကြားသည်။ သတင်းစာတွင် ဦးကျော်တင့်၏ဆောင်းပါးဖော်ပြခံရသည်။ ထိုသို့ ဖော်ပြခံခဲ့ရပြီးကြုံတွေ့ခဲ့ရသည်နှင့် ပတ်သက်၍ တစ်နေ့မှာကျွန်တော်တက်နေတဲ့ဂျပန်တက္ကသိုလ်က ပါမောက္ခချုပ်ကတွေ့လိုကြောင်း ခေါ် လို့ကျွန်တော်ရောက်သွားတော့ ဖက်စ်တစ်စောင်ထုတ်ပေးွှThe Time သတင်းစာကိုထုတ်ပြပါတယ်။ ကြည့်လိုက်တော့ ကျွန်တော်ရေးပို့ထားတဲ့ဆောင်းပါးကို ၏သည်မလွဲပုံနှင့် ဖော်ပြထားတာကိုတွေ့ရ၊ ကျွန်တော့် နာမည်နဲ့ ကျောင်းလိပ်စာကိုလည်း အတိအကျတပ်ထားပြန်သေးတယ်။ လန်ဒန်မှာ ကျောင်းတက်နေတဲ့ နာဂို ယာတက္ကသိုလ်အမှုထမ်းဆရာတစ်ဦးက ပါမောက္ခချုပ်ဆီပို့ပေးလိုက်တာ လို့ရှင်းပြတယ်။ မြန်မာဖြစ်တဲ့ကျွန်တော်က အပြစ်ကျူးလွန်မိသူလို့မျက်နှာငယ်လေးနဲ့ ဖြစ်နေပေမဲ့သူတို့ကတော့ အမိတက္ကသိုလ်နာမည်နဲ့တကွTime လိုမဂ္ဂဇင်းမျိုးမှာ ပါလာတာမို့ဂုဏ်ယူနေတဲ့ပုံပဲ။ သူတို့ကကျွန်တော့်ကိုဆက်ကြိုးစားဖို့ပြောကြပေမဲ့ အမည်၊ နေရပ်လိပ်စာ ဖော်ပြလိုက်လို့ မြန်မာပြည်ပြန်ဖို့လမ်းပိတ်သွားပြီးဆိုတော့ ဝမ်းနည်းဝမ်းသာဖြစ်ရပါတယ်။ ဒီလိုနဲ့နောက်ပိုင်းတွေမှာ ထောက်လှမ်းရေးက ကျွန်တော်ကိုအတင်းပြန်ခေါ်ဖို့ လုပ်တာတွေလဲ ကြုံရပါတယ်။ ကျွန်တော်အတွက်တော့ပြေးရတာပေါ့။ ပြေးနေရတာအခုနှစ် ၂၀၁၃ အထိ ပါပဲ ဟုပြောသည်။
ထို့အပြင် Fax Machine အသုံးပြုပြီး မြန်မာနိုင်ငံနှင့်ဆက်သွယ်ခဲ့ပုံကို နည်းပညာကိုစိတ်ဝင်စားတဲ့ ကျွန်တော်က ၁၉၈၈ ခုနှစ်မှာ မြန်မာ ပြည်ကိုတင်သွင်းခဲ့တဲ့နည်းပညာ တစ်ခုအကြောင်း ပြောခဲ့ပါရစေ။ အဲဒါကတော့ Fax Machine ဆို တာပါပဲ။ ကျွန်တော်တို့ရောက်တော့ ဂျပန်မှာ Fax ကအတော်ထွန်းကားနေပြီးဖြစ်ပေမဲ့ မြန်မာပြည်မှာတော့ ဘယ်ရှိလိမ့်ဦးမလဲ။ ဒီနည်းပညာက တယ်လီဖုန်းလိုင်းရှိရင်သုံးလို့ရနိုင်တာမို့မြန်မာပြည်ကလည်းရမှာပဲလို့ထင်မိပါတယ်။ စမ်းကြည့်မှာပဲသိနိုင် မှာမို့ကျွန်တော်ရတဲ့ စကောလာရှစ်တစ်လစာနဲ့ Fax တစ်လုံးဝယ်ပြီး မြန်မာပြည်ကိုပို့လိုက်တယ်။ ကံကောင်းချင်တော့အလုပ်ဖြစ်သွားတယ်ဆိုပါတော့။ အောင်မြင်တယ်ဆိုတဲ့ ပါးစပ်မှမပိတ်ရသေးခင်စစ် အာဏာသိမ်းလိုက်ပြန်ရော။ ဒါနဲ့စမ်းသပ်ပြီးတဲ့ Fax Machine ကိုပိုပြီး အကျိုးရှိရှိအသုံးပြုနိုင်မယ့် လူထုခေါင်းဆောင်ဒေါ်အောင်ဆန်းစုကြည်ကို ပို့လိုက်ပါတယ်။ နောက်ပိုင်းကျွန် တော့်အလုပ်က ဒေါ်စုဆီကိုနိုင်ငံခြားသတင်းစာတွေမှာပါတဲ့သတင်းထူးတွေကိုပို့ပြီး၊ မြန်မာသတင်းစာ တွေမှာပါတဲ့ အမိန့်တွေသတင်းတွေကို Fax နဲ့ပြန်ယူဖို့ပါ။ မြန်မာအတိုက်ခံနဲ့ကမ္ဘာကြီးကို အဆက်သွယ်မပြတ်စေဖို့ရည်ရွယ်ရင်း ကျွန်တော်ကတော့ဝေးရာမှဝေးရာသို့ ဝေးကွာနေရင်း အမိတိုင်းပြည်မွေးရပ်မြေကို အစဉ် အမြဲလွမ်းဆွတ်နေပါသည် ဟုပြောသည်။
ဝ၃၇

Leave a Reply

Your email address will not be published.